The Book Forest of Berlin 🍀

ဘာလင်မြို့ရဲ့လမ်းပေါ်ကစာအုပ်စင်လေး 🍀

——————————————

ဘာလင်မြို့ဟာ ဂျာမနီနိုင်ငံရဲ့ မြို့တော်ဖြစ်ပြီး

ဥရောပနိုင်ငံများထဲမှာဆိုရင်တော့

လန်ဒန်ပြီးရင် ဒုတိယလူဦးရေအထူထပ်ဆုံး

မြို့တစ်မြို့လည်းဖြစ်ပါတယ်။

ဂျာမန်လူမျိုးတွေက စာအရမ်းဖတ်ကြတယ်။

စာဖတ်ခြင်းကိုနှစ်သက်ကြတယ်။

သိတတ်စအရွယ်ကတည်းက

စာတွေဖတ် စာအုပ်ဆွေစုဆောင်းတာက

ဂျာမန်မိသားစုတွေရဲ့ အလေ့အကျင့်တစ်ခုဖြစ်တယ်။

ဂျာမန်လူမျိုးတစ်ယောက်မှာ အနည်းဆုံး

စာအုပ်ရေ ၁ဝဝကျော်လောက်ပိုင်ဆိုင်ထားတယ်လို့လည်း ပြောကြတယ်။

ယခုလို စာဖတ်ခြင်းတွင်ကျယ်တဲ့ ဂျာမနီနိုင်ငံမှာဆိုရင်

စာအုပ်တွေက စျေးကောင်းပေးဝယ်ရတာကြောင့်

စာအုပ်လဲဖတ်တဲ့ အလေ့အထလေးက

တဖြည်းဖြည်းတွင်ကျယ်လာခဲ့ပါတယ်။

ဂျာမနီနိုင်ငံရဲ့မြို့နယ်လေးတွေမှာဆိုရင်

မသုံးတော့တဲ့ အများသုံးတယ်လီဖုန်းရုံလေးတွေကို

စာအုပ်လဲလှယ်တဲ့ စာကြည့်တိုက်လေးတွေ

အဖြစ်ပြုလုပ်ထားတာကို မြင်တွေ့ရမှာပါ။

အခုပြောပြချင်တာကတော့

Bücherwald (book forest) လို့ခေါ်တဲ့

သစ်ပင်စာအုပ်စင်လေးပဲဖြစ်ပါတယ်။

ဒီသစ်ပင်စာအုပ်စင်လေးတဲ့ ရည်ရွယ်ချက်ကတော့

"to connect people through books"လို့ပြောပါတယ်။

စာအုပ်လေးတွေကနေတစ်ဆင့် ဆက်သွယ်ကြပါစို့ပေါ့။

သစ်ပင်စာအုပ်စင်လေးကဆိုရင်ဖြင့်

ပုံမှာမြင်ရတဲ့အတိုင်း

သစ်ပင်ပင်စည်လေးတွေမှာ လေးထောင့်ပုံစံ

အကွက်လေးတွေ ထွင်းထုထားပြီး

အထဲမှာ စာအုပ်လေးတွေထည့်ထားတဲ့

မြို့ပြစာအုပ်စင်လေးပေါ့။

စာအုပ်တွေ မိုးဒဏ်လေဒဏ်ကြောင့်

မပျတ်စီးအောင် ပလတ်စတစ်အဖုံးလေးတွေလည်း

တပ်ဆင်ထားပေးပါတယ်တဲ့။

ယခုသစ်တောစာအုပ်စင်လေးဟာဆိုရင်ဖြင့်

စာရွက်လေးတွေဖြစ်ပေါ်လာရတဲ့

“supply chain of books - from wood to paper” လို့ခေါ်တဲ့

စာအုပ်ကွင်းဆက်လေးပေါ်အခြေခံပြီး

ပညာရေးမြှင့်တင်အားပေးမှုလုပ်ငန်းစဉ်လေး

တစ်ခုအဖြစ်၂၀၀၈ခုနှစ်မှာ စတင်လုပ်ဆောင်ခဲ့တာ

ဖြစ်ပြီး စာအုပ်စင်လေးကတော့

ယခုထက်ထိ အသက်ဝင်နေဆဲဖြစ်ပါတယ်။

Bücherwald ဟာဆိုရင်ဖြင့်

ဘာလင်မှာရှိတဲ့ Giveboxဆိုတဲ့ NGOအဖွဲ့အစည်းတစ်ခုရဲ့ အစိတ်အပိုင်းလေးတစ်ခုလည်း

ဖြစ်နေပြန်ပါတယ်။

အဲ့အနီးအနားမှာနေထိုင်တဲ့သူတွေတင်သာမက

ကမ႓ာလှည့်ခရီးသွားတွေ မည်သူမဆို

ကိုယ့်မှာရှိတဲ့ စာအုပ်လေးတွေကို ထားပေးတာတွေ

စာအုပ်စင်လေးကနေ စာအုပ်တွေယူဖတ်တာတွေ

ပြုလုပ်နေကြပါတယ်။

သစ်ပင်စာအုပ်စင်လေးမှာ စာအုပ်လဲလှယ်နေကြတဲ့

မြင်ကွင်းက ဘာလီကိုလာရောက်လည်ပတ်သူတွေအတွက်လည်း ဆွဲဆောင်မှုရှိတဲ့ မြင်ကွင်းလေးတစ်ခု

ဖြစ်နေပြန်ပါတယ်။

Urban Foodbox လေးတွေ

မြင်နေကြားနေရပြီဆိုတော့

Urban Bookcase လေးတွေ ဖြစ်လာရန်

စိတ်ကူးယဉ်လျှက် .... 😅

Photo Credit : Google